নীলাভ নৈ নিজান ঘাট : 2021

Saturday, 25 September 2021

হৃদয়-এখিলা উকা কাগজ

শীতৰ লঠঙা ডাল,

প্ৰতাৰণাৰ মৰুভূৰ তপ্ত বলুকা!

প্ৰত্যাহ্বান মোৰ মৰণৰ

পাষাণ হৃদয়ৰ লজ্জাহীন মৰমৰ!

১৩০৪২১

০৯১৯পূ

এপিয়লা কফিৰ আমেজত নিদ্ৰাহৰণ কৰা এপলক আমেজ

মোৰ প্ৰেম!

সোণাৰুৰ তল সৰা,

বৰদৈচিলা হৈ উৰা মৰা, এসাগৰ নীলা সাৱটি ৰোৱা,

মোৰ প্ৰেম!

আভৰণৰ আৱেশত আমেজ লৈ বহি ৰোৱা

ছাঁয়ামূৰ্ত্তি,

মোৰ প্ৰেম!

আহক ধৰালৈ সেউজীয়াৰ ধল

নামক বসন্ত,

সেউজী কৰি তোলক হৃদয় দলিচা

তোমাৰ কপালত জ্বলি উঠক ৰঙা সুৰুযমূখী মোৰ প্ৰেম!

১৩০৪২১,

০৯১০পূ